الامتحانات نار!!
اهه الكادر
الحقيقي..............المفروض انتم تتراجعوا!!
تكدير الشعب المصري بجميع فئاته استراتيجيه ثابته لدي النظام ...اوعي تخللي الشعب ياخد نفسه لحسن يفوق...خد عندك العلاوه تم تدميرها قبل الناس ما تلمسها ا لمحروقات زادت والتليفونات والكهربا ...حتي العدس وصل 14 جنيه...فكر جديد بجد ....كادر المعلمين لازم تخوض الامتحانات عشان تاخد الكادر الامتحانات نار لان الوزير قرر ان 10% هما اللي هيحصلوا علي الكادر رغم ان المعلن اللي ان الميزانيه تكفي جميع المعلمين...طيب الحكومه بتلعب الاعيبها وجراب الحاوي مليان....المعلمين فين لماذا قبلوا فكرة الامتحان اصلا؟ خايفين قال ميروحوش الامتحان يتحولوا شئون قانونيه؟ مليون معلم يتحولوا شئون قانونيه!!!عجبي ..شعب مستسلم مسترخي الضغط عنده يولد الاسترخاء عكس القانون اللي بيقول ان الضغط يولد الانفجار....مش هانروح الامتحان نعمل اضراب هيعتقلوا مليون معلم.. وطظ في ال75 جنيه بتوع الكادر ونوفرهم من السجاير او المحمول او وصلة الدش....الخ.
لما تقلب الامور دي كلها في دماغك ...يبقي انت اكيد في مصر.
وسلمللي علي البلاله!!!
.JPG)
