الرئيس مشرف وهو يلقي خطبه الاستقاله
فرحه الشعب الباكستاني بالاستقاله
مساء الفل يا مشرفنا ( مش انت المقصود)الرئيس مشرف راجل عسكري زي اغلب حبايبنا الحلوين اللي بيحكمونا و الشعب
الباكستاني ماقدرش يستحمله اكثر من تسع سنين والبلد كانت بتغلي من كام سنه دا في باكستان ياخونا صاحيين معايا.......طب في المحروسه هبة النيل ربع قرن وسنتين والشعب مبسوط ومزغطط..سجون ماشي ..معتقلات ماشي...تزوير انتخابات....رشوه..فساد..بيع مقدرات الوطن...محاكم عسكريه....محاكم مهلبيه...قوانين جبايه (مرور-ضرائب عقاريه) غير اللي بيموتوا في العبارات والشباب اللي زي الورد اللي بيغرق اثناء الهجره قائمة المأسي لا تنتهي لكن الشعب المصري ضاربها طبنجه....بعد كل ده عرفتم مين المطلوب منه يستقيل....سامع واحد بيقول مبارك والشخص ده سقط في الامتحان بجدارة لانه كالعادة معرفش الاجابه.... لانه مصري؟؟؟!!!!
الباكستاني ماقدرش يستحمله اكثر من تسع سنين والبلد كانت بتغلي من كام سنه دا في باكستان ياخونا صاحيين معايا.......طب في المحروسه هبة النيل ربع قرن وسنتين والشعب مبسوط ومزغطط..سجون ماشي ..معتقلات ماشي...تزوير انتخابات....رشوه..فساد..بيع مقدرات الوطن...محاكم عسكريه....محاكم مهلبيه...قوانين جبايه (مرور-ضرائب عقاريه) غير اللي بيموتوا في العبارات والشباب اللي زي الورد اللي بيغرق اثناء الهجره قائمة المأسي لا تنتهي لكن الشعب المصري ضاربها طبنجه....بعد كل ده عرفتم مين المطلوب منه يستقيل....سامع واحد بيقول مبارك والشخص ده سقط في الامتحان بجدارة لانه كالعادة معرفش الاجابه.... لانه مصري؟؟؟!!!!
.JPG)
هناك ٩ تعليقات:
م/ الحسيني لزومي تحياتي لك
في مصر بلد العجائب يموت الشعب ويبقي الحاكم
يلا ربنا يفتكره بقي مابقاش فاضل غير ندعي بكده بس ربنا يستر ع اللي بعده
الشعب المصري هو السبب في كل اللي بيجراله والمنتفعين من النظام كثيرين من مصلحتهم بقاء مبارك ليستمرو في الثراء
والمواطن الغلبان ليس له الا الدعاء والجري ورا لقمة العيش وهو عندو وقت يفكر في مبارك ولا غيره
الدور والباقي علي المثقفين والمتعلمين اللي ساكتين ومحدش متحرك
ليه حق مبارك يعمل فينا اكتر من كده
يلا سلام
شوفي يا حتشبسوت النظام فهم المعادله صح يلهي الشعب في قوته ويعمل هوه اللي عايزه...اما النخبه والساسه والمثقفين دول سيبك منهم..عمنا الشاعرنجم قال فيهم( انهم وجههم للحاكم وظهرهم للشعب.)
السلام عليكم
اولا احب اشكرك لتوجيهك دعوة فى مدونتى
ثانيا بالنسبة لمشرف والشعب قليل الصبر الباكستانى دا
دول شعب مش صبورين ولا يعرفوا الصبر عشان تسع سنين بس عملوا كدا
امال احنا نعمل ايه؟
بجد مش متخيلة ايه ممكن يحصل ساعتها
اصلها حاجة بقت اقرب للمستحيل
يعنى ممكن الشعب يعمل ايه
يرقص
يغنى
ينتحر
يفرق ورد
....
بجد مش متخيلة
سلاموز.
السلام عليكم
الاخ العزيز
اخيرا عرفت أعلق عندك
طبعا انا معرفكش خالص
تحيا الريس يحيا الحزب النازى الديكتاتوري هههههههههههههههه
بص يا سيدي ده هوبليس كيس
يعني فعلا البلدديه حاله ميئوس منها
ولسه قانون المرور الي طلع عينين الناس
ولسه ياما هنشوف طالما احنا ساكتين وخلي سكوتنا ينفعنا
والله اكترحاجه بتخليني ابعد عن السياسه قدر المكان في مدونتي عشان الاكتئاب الي الواحد بيبقي فيه لما بيقرا الكلام ده
ده مش ضعف ولاجبن ولا هروب منواقع البلد بس فعلا كل واحد فينا صوته لوحده يعني بيدن في مالطه
ربنا يستر علينا في البلد ديه ومنصحاش في يوم نلاقي اجبار علينا كل واحد يحط يافطه على ضهره ونتباع في سوق العبيد
تحياتي لقلمك النابض
مشكلة الشعب المصرى انه دوما ينتظر التغير لكنه لا يبادر لكى يحصل على هذا التغيير بل ينتظر من يقوم بالتغير فمتى يصحوا الشعب المصرى
يا باشمهندس الحسينى دعوتنى لاتحاد مدونى اسيوك فاين وكيف ؟
ccc
والله كل اللى جه فى دماغى دلوقتى
فيلم الزوجة الثانية
واحب اقتبس منها
ادعوا له ادعوا له
يخرب بيت ابوه
ههههههههههههههههههه
مدونة رائعة بارك الله فيك وجزاك الله كل خير
إرسال تعليق