الجمعة، ١٧ ديسمبر ٢٠١٠

*** تصدير كميات جديده من الغاز لأسرائيل



دا شعب فقرى
نظرا لأن النعمة فاقت حدها
ولأننا مش قدها
ولأن فعلا انجازاتك
فوق طاقتنا نعدها
ولأننا غرقنا في جمايل
مستحيل حنردها
نستحلفك ……. نسترحمك
ِ
نستعطفك …
….نستكرمك
ترحمنا من طلعة جنابك حبتين
عايزين نجرب خلقة تانية
ولو يومين
اسمع بقى
إحنا زهقنا من النعيم
ونفسنا في يومين شقا
عايزين نجرب الاضطهاد
ونعوم ونغرق في الفساد
بيني وبينك حضرتك
دا شعب فقرى مايستحقش جنتك
أنا عارفه شعب ماينفعوش
إلا شارون وبلير وبوش
عايز يجرب الامتهان
ويعيش عميل للأمريكان
بيمد ‘غازه’ لإسرائيل
ويومين كمان ويمد نيل
أهو يعنى نشرب ميه واحدة
ندوب في بعض
ماء وماء وماء
ونفض سيرة الانتماء
وبلاها نعرة وطنطنة
تبقى البلاد ‘مستوطنة ‘
متسلطنة بالسرطنة
إيه اللي خدناه م الكرامة والإباء
حبة خطب وكلام…كلام
إحنا راهننا على النظام
ورضينا بخيار السلام
بخيارحنسد عين الشمس بيه
علشان مايطلعش النهار
ويطلع لمين؟
حبة معارضة مغرضين؟
وحسب بيان السلطة
شلة مأجورين؟
ياعم فضك سيرة
وارضى بقسمتك
دا شعب مش فاهم أكيد
يالا اطرده من رحمتك
وإن كنت غاوي الحكم
خليك مطرحك
حاغطس واقب وأعود
بشعب يريحك
راضى وعمره مايجرحك
أخرس ومايسمعش
وأعميلك عينيه
مش كل قرش يبص فيه
مايقولش لأه، وفين، وليه
يضرب ينفض في السليم
وعلى الصراط المستقيم
كل اللي يعرف ينطقه
عاش الزعيم
يحيا الزعيم

* الشاعر/ أحمد فؤاد نجم

هناك ٥ تعليقات:

شمس النهار يقول...

من اول سطر عرفت انه احمد فؤاد نجم

غريب هذا النجم

عبد الناصر اعتقله ومرمطه
ولما مات رثاه في قصيدة جميلة جدا

مجداوية يقول...

أعجبتني قصتك من وحي اعفاء ابنك من الخدمة العسكرية

لو في زمن آخر لكان البكاء بدلا من الزغاريد
فحرمان الشباب من شرف الجهاد في سبيل الله والوطن مصيبة
ولكن الآن لا يسعني إلا أن أقول لك مبارك ,, مبارك

وليس بالطبع هتاف ولا تحية للزعيم

ذو النون المصري يقول...

انا فعلا من جمايلك زهقت
ربنا ياخده و يحاسبه علي قد اللي عمله

BlueMoon يقول...

طول عمره (نجم)فى التعبير عن اللى جوانا..وأستاذ فى السخرية..الحمد لله انه لسة عايش وشاف نهاية للفساد.
مدونتك رائعة بكل معنى الكلمة.

sarasay5 يقول...

شركة تنظيف خزانات بمكة
اننا شركة تنظيف خزانات بمكة تقوم من اجل ان يحصل الجميع على مياه نظيفة بدون ان يدفع الكثير من الاموال حيث نوفر تنظيف خزانات بمكة بأقل الاسعار الممكنة لكى يتمكن جميع الافراد من الحصول على الخدمة دون مواجهة احد المشاكل مع تقديم ايضا غسيل خزانات بمكة و نحن ايضا شركة عزل خزانات بمكة
تنظيف خزانات بمكة
https://elbshayr.com/6/Cleaning-tanks